મૃત્યુ-ઊંચો વ્યાજ વટાવ

અકાળે સ્વજન નું મત્યુ
એટલે આવી પડેલા દુઃખનો ભારેખમ પહાડ

ઘણાં કાર્યો અધુરાં છોડ્યા હશે
ઘણાં સ્વપ્નો રસ્તામાં રોળાયાં હશે
પણ મૃત્યુનો ન્યાય એ..તો
એને સ્વીકારવો એ ડહાપણનું કામ

સંવેદનોનો ઉભરો આવે જ્યારે
મન..હ્રદય વહેરાય ત્યારે
ઊંચક્યો ન ઊંચકાય દુઃખનો ભાર
પરંતુ મૃત્યુનો એ ન્યાય.. ન રોકાય..ન પડકારાય

સ્વજ્નનાં મૃત્યુની પીડાનાં આંસુ
સ્વજનને પરલોકે વિઘ્ન બનીને પીડે
પ્રભુ પ્યારાની પ્રભુદ્વારે વધુ જરૂર
માની હલકું કરીને મનનું દુઃખ.

મૃત્યુ એ તો સંવેદનાઓનો ઊંચો વ્યાજ વટાવ
વ્યાજ સાથે મૂડી ગયાનો ભાવ
કોઇને ન ગમે એવો દુઃખનો દરિયો
એને સમતાથી તરીયે

જનારાના અધૂરા કામ પૂરા કરીને
એના સદગુણોની સ્મરણાંજલી ભરીને
એને દઈએ સાચી શ્રધ્ધાંજલી
એ જ તો છે સાચો વ્યાજ વટાવ
સા…ચો…વ્યાજ વટાવ.