Home > માહિતી, સાહિત્ય જગત > ગુજરાતી શબ્દસ્પર્ધા બૃહદ સ્તરે ઉજવાઇ ૧૦૧મી બેઠકમાં-પ્રવિણા કડકીયા

ગુજરાતી શબ્દસ્પર્ધા બૃહદ સ્તરે ઉજવાઇ ૧૦૧મી બેઠકમાં-પ્રવિણા કડકીયા


તસ્વીરો જય પટેલ અને વીડીયો મનોજ મહેતા, પ્રકાશ મજમુદાર અને સતીશ પરીખ

૩૦, જાન્યુઆરી, ૨૦૧૦ના વિજય મુહુર્તે ( સવારનાં ૧૨.૩૦ કલાકે) હ્યુસ્ટન નાં આર્યસમાજ નાં ભવ્ય હોલમાં ગુજરાતી સાહિત્ય સરિતાની ૧૦૧મી બેઠકમાં પૂજ્ય મહાત્મા ગાંધીજીના નિર્વાણ દિને  ભાવ પૂર્વક તેમને શ્રધ્ધાંજલી અર્પણ કરી. આજની બેઠક તેમના સત્યના આગ્રહને માન આપી, તેમના ગમતા શ્લોકથી શરુ થઇ

અસત્યો માંહેથી પ્રભુ પરમ સત્યે તું લઈજા

ઉંડા અંધારેથી પ્રભુ પરમ તેજે તું લઈ જા”

પૂ. બાપુ માટે નાના, મોટા, અબાલ ,વૃધ્ધ સર્વેને અગણિત લાગણી તથા આદર છે તેનું દર્શન થયું. શૈલા મુન્શા, ધીરુભાઇ શાહ, નીરાબેન શાહ, પ્રવિણા કડકીઆ, વિજયભાઈ શાહ, દેવિકાબેન ધ્રુવ, પ્રશાંતભાઇ મુન્શા,  પ્રકાશભાઇ મજમુદાર અને નુરુદ્દીનભાઇ દરેડીયાએ સુંદર રજુઆત કરી. દરેક્ની વાતો ગાંધીજીનાં સદગુણો ને જાણી તેનો જિંદગીમાં અમલ કરવાની હતી.અશોકભાઈ પટેલે સભાનું સુંદર સંચાલન કર્યું. તેમની વાણી તથા સંચાલનની કુશળતા દાદ માગી લે તેવી હતી. હવે સભાનો દોર વિજયભાઇ તથા વિશાલ મોણપરાએ હાથમાં લીધો.

પૂ ગાંધીજીની ‘મારા સત્યના પ્રયોગો’ પર આધારિત ‘શબ્દાક્ષરી’ ની શરૂઆત દેવીકા ધ્રુવ દ્વારા રચાયેલ સુંદર ગીતથી થઈ. સંગીતાબેન ઘારિયા દ્વારા ગવાયેલ અને સંગીતબધ્ધ ગીતે શબ્દસ્પર્ધાનાં આયોજનનાં હેતુ અને રમવાનો પ્રકાર સુંદર રીતે સમજાવ્યો.

અતુલભાઇ કોઠારીએ આપેલ “સત્યનાં પ્રયોગો” માંથી ૫૦૦ શબ્દો શોધવા માટે પ્રવિણા કડકિયાએ બીડું ઉઠાવ્યું અને બે દિવસમાં તે કાર્ય વિજયભાઇને પહોંચાડ્યું. હવે  તેના અર્થ શોધી વિશાલને આપવા માટે ટાઇપીંગ જાણતા દેવિકાબેન ધ્રુવ, શૈલાબેન મુન્શા. પ્રવિણાબેન કડકીયા અને વિજયભાઇએ ‘ભગવદ ગો મંડળ’ તથા બીજા શબ્દકોષોનો ઉપયોગ કરી શબ્દસ્પર્ધાનું મૂળ ભાથુ વિશાલ પાસે પહોંચડ્યું.

વિશાલે જરૂરી સર્વ નિયમોને સાંકળી વિશિષ્ટ કોમ્પ્યુટર પ્રોગ્રામ બનાવ્યો જેનો પ્રયોગ ૧૦૦મી બેઠકમાં થયો અને તે સમયે મળેલા સુચનો અને તકનીકી તકલીફો દુર કરીને શબ્દ સ્પર્ધા નો સોફ્ટ્વેર તૈયાર કર્યો.

સત્યમ શિવમ અને સુંદરમ એમ ૩ ટુકડીઓ રચાઇ અને પ્રવિણાબેન પાસે આવેલા પ્રથમ ૯  નામોને સ્ટેજ પર આવવા પ્રશાંત મુન્શાએ આમંત્રણ આપ્યું

સત્યમ ટુકડીનાં નીખિલ મહેતા, શૈલા મુન્શા અને મનોજ મહેતા

શિવમ ટુકડીનાં દેવિકા ધ્રુવ, રસેશ દલાલ અને રીટા કોઠારી

સુંદરમ ટુકડીનાં પ્રવિણા કડકીયા, હેમાબેન પટેલ અને રિધ્ધિ દેસાઇ

વિજયભાઇએ શબ્દસ્પર્ધાનાં નિયમો સમજાવ્યા અને તે મુજબ દરેક પ્રતિસ્પર્ધી એ દોર એકમાં દસ શબ્દોનાં અર્થ આપવાનાં હતા અને જે સાચો પડે તેને એક ગુણ મળે અને ખોટા અર્થનાં ગુણ ના મળે તેમ સમજાવ્યું. સુમનભાઇ અજમેરી જેઓ નિર્ણાયક બનવાનાં હતા તેઓ ન આવતા તે કામ કાંતિભાઇ શાહને સોંપાયું.

નિર્ણાયક શ્રી કાંતિભાઇ શાહ વિજયભાઇ, પ્રશાંત મુન્શા અને વિશાલ મોણપરા સ્ટેજ સજાવતા

વિશાલ કોમ્પ્યુટર દ્વારા શબ્દ આપતો હતો જે વિજયભાઇ સ્પર્ધકોને આપતા હતાઅને શ્રોતાઓ તેને પાછળ પડદા ઉપર જોતા હતા

૫ સેકંડ બાદ તેના અર્થો પણ પડદા પર આવતા હતા. જેમના અર્થો ખોટા પડતા હતા ત્યારે કોમ્પ્યુટર કાચ તુટતો હોય તેવો અવાજ પેદા કરતું હતું. પ્રથમ દોર ૧૫ મીનીટમાં પૂરો થયો. ઘણા શબ્દોનાં અર્થો અંગ્રેજીમાં તરત આવતા હતા જ્યારે કવચિત ખોટા અર્થ ઘટનો એ શ્રોતાઓને જ્ઞાન સાથે ગમ્મત પુરી પાડી.

શબ્દ સ્પર્ધાની રોમાંચક ક્ષણોમાં સ્પર્ધકો

બીજા દોર શરુ કરતા પહેલા કાંતીભાઇએ ત્રણે ટુકડીમાંથી ઓછા ગુણ ધરાવતા પ્રતિસ્પર્ધકોને જવાનું હતુ. તે ત્રણ પ્રતિસ્પર્ધકોનાં નામ નિર્ણાયક શ્રી કાંતિભાઇ એ આપ્યા અને  તેમને રમતમાંથી દુર કર્યા. હવેના દોરમા દરેક સ્પર્ધકોને ૫ શબ્દો મળવાનાં હતા અને પુછાયેલ શબ્દોનાં બે અર્થ આપવાનાં હતા.વિજયભઇએ સ્પર્ધકોને ખાતરી આપી હતી કે પ્રથમ દોરના  એકેય શબ્દ ફરીથી નહીં પુછાય.

સાત મીનીટ ચાલેલ આ દોરમાં એક શબ્દનાં બીજા અર્થમાં તકલીફ પડતી હતી અને સમય પણ અગત્યનો હતો.

કાંતીભાઇએ ફરીથી ત્રણેય ટુકડીમાંથી ઓછા ગુણ આવેલા નામો જાહેર કર્યા જેઓ સ્પર્ધામાંથી દુર થયા.

ત્રીજા દોરમાં ત્રણ પ્રતિસ્પર્ધક હતા અને તેઓ પ્રથમ, દ્વીતિય અને તૃતિય સ્થાન માટે સ્પર્ધા કરતા હતા. જો બે જણ નાં સરખા ગુણ આવે તો તે સમયે અપાયેલા શબ્દ ઉપર બે લીટીનું કાવ્ય કે મુક્તક રજુ કરવાની કડક શરત સ્પર્ધકોમાં ધ્રાસકો પાડી ગઇ અને શ્રોતાઓને ઉત્તેજના અપાવી ગઈ. દેવિકાબેન ધ્રુવ ત્રણે શબ્દોનાં જવાબ આપી પ્રથમ વિજેતા બન્યા જ્યારે શૈલા મુન્શા અને રિધ્ધિબેન દેસાઇ વચ્ચે નંબર બે અને ત્રણ સ્થાન માટે કાવ્ય સર્જન પ્રક્રિયા થઇ જેમાં શૈલાબેન દ્વીતિય અને રિધ્ધિબેન તૃતિય આવ્યા.

આ રમત ખૂબ રસપ્રદ બની રહી. સમયની મર્યાદાને લક્ષમા રાખી ખૂબ સુંદર તેનું આયોજન હતું .રમત રમનારને તથા જોનારને સરખો આનંદ પ્રાપ્ત થયો.  શબ્દાક્ષરી રમત ગુજરાતી ભાષાને રસપ્રદ બનાવવામાં સફળ  નિવડી.

આ સ્પર્ધા કોઈ પણ ઉંમરનાને ધ્યાનમા રાખી રમી શકાય તેવી સરળ છે. નાના અમેરિકામા જન્મેલા બાળકો પણ માણી શકે તેમજ ૬૦ વર્ષની ઉપરના આપણા વડીલો પણ તેની લહેજત માણે  તેવી સુંદર રીતે વિશાલે તેને કમપ્યુટર પર બનાવી છે. ગુજરાતી શબ્દ સ્પર્ધાનો પ્રયોગ ગુજરાતી સાહિત્ય સરિતાનાં માધ્યમથી મુકાયો અને સૌએ તેને માણ્યો તે બદલ વિશાલભાઇ, વિજયભાઇને તથા શબ્દ સ્પર્ધાનાં સ્પર્ધકોને સૌએ  બીરદાવ્યા.

છેલ્લે આભારદર્શન માટે રજુ થયેલ પાવર પોઇંટમાં ગુજરાતી સાહિત્ય સરિતાનું પ્રચલીત સુત્ર દર્શાવ્યુ.

એક વ્યક્તિનું આ કામ નથી..સમુહનું જુઓ આ શુભ પરિણામ..

વિશાલ મોણપરાએ તેમનો પ્રોગ્રામ જનહીતાર્થે http://gujaratisahityasarita.org ઉપર નિઃશુલ્ક મુક્યો છે. અહીં ક્લીક કરવાથી આપને આ પ્રોગ્રામ મળી શકશે. ગુજરાતી ઉપરાંત વિશાલે અન્ય ૮ ભારતીય ભાષા માટે શબ્દ સ્પર્ધાનો પ્રોગ્રામ તૈયાર કરેલ છે

ગુજરાતી શબ્દ સ્પર્ધાનો પ્રથમ પ્રયોગ નાના ભુલકાઓ માટે બી.એ.પી.એસ. સ્વામિનારાયણ મંદીર – હ્યુસ્ટન નાં સંતોએ કરેલો જે વિચારને વટવૃક્ષ બનાવવા ગુજરાતી સાહિત્ય સરિતા કટીબધ્ધ બની અને તે આજે સ્ટેજ ઉપર રજુ કરી એક નવી પ્રયોગાત્મક અને સરળ ગુજરાતી સાહિત્ય સંચાર,પ્રસાર અને સંવર્ધનનાં પ્રયાસોમાં આગેવાની લીધી. વિશાલભાઇ અને વિજયભાઇનાં કૌશલ્ય હેઠળ સૌ સભ્યોનો  શત શત અભાર અને આનંદ  હું  વિશિષ્ટ રીતે  વ્યક્ત કરીશ.

આ કાર્યક્રમને નજરોનજર માણવા માટે નીચેની વીડીયો લિંક પર ક્લિક કરો.

ભાગ ૧ (http://www.youtube.com/watch?v=wJKaKlho2Ac)

ભાગ ૨ (http://www.youtube.com/watch?v=iupWQkDLr3I)

ભાગ ૩ (http://www.youtube.com/watch?v=LJKRsmRXNKM)

ભાગ ૪ (http://www.youtube.com/watch?v=aUdXLX9o0jM)

ભાગ ૫ (http://www.youtube.com/watch?v=VlFVjBJMMfw)

અહેવાલઃ પ્રવિણા કડકીયા.

  1. February 2, 2010 at 11:59 pm

    Vijay wonderful job. Thanks

  2. February 3, 2010 at 5:28 am

    હ્યુસ્ટનના સાહિત્યરસને સો સલામ. 101 બેઠકો.. જાણીને બહુ આનંદ થયો.
    અવનવા પ્રયોગો જાણીને ત્યાં દોડી આવવા મન થઈ ગયું. જૂની બે ત્રણ મુલાકાતો પણ યાદ આવી ગઈ.

  3. February 3, 2010 at 9:33 pm

    congratulation.

  4. February 4, 2010 at 2:30 pm

    It’s nice to know of 101Meetings of Gujarati Sahitya Premio of Houston Texas…A wonderful report by Pravinaben with lots of Photos (making the reader feel like being there with ALL) CONGEATULATIONS to ALL !
    DR. CHANDRAVADAN MISTRY (Chandrapukar)
    http://www.chandrapukar.wordpress.com
    All are invited to Chandrapukar !

  5. Kirtikant Purohit
    February 5, 2010 at 3:45 am

    દોસ્તો,
    સન્મિત્ર શ્રી વિજયભાઇ શાહ અમેરિકા સ્થિત રહીને પણ ગુજરાતી શબ્દાક્ષરી અને શબ્દસ્પર્ધા માટે પ્રવૃત છે તે આનંદની વાત છે. મિત્રવર્તુળોમાં અને પાર્ટીઓમાં સરસ રસ પમાડે તેવી આ બન્ને જ્ઞાનવર્ધક રમતોનો ખૂબ પ્રચાર થવો જરૂરી છે. આપ પણ તેમની વેબસાઇટ પર જઇ આ રમતો વિષે વધુ જાણો તેવી વિનંતિ છે.

    કીર્તિકાન્ત પુરોહિત.

  6. February 5, 2010 at 1:33 pm

    મા. ગુણવંતભાઈ શાહ ‘ગુજરાતી બચાવો’ યાત્રા કરી રહ્યા છે એઓને અહિં આવવા આમંત્રણ મોકલાવવું જોઈએ. મારા જેવા ગુજરાતી જોડણીમાં કાચા એવા કહેવાતા એક લેખને તો ગુજરાતી શબ્દસ્પર્ધાની વાત જ અભિપ્રેરણા આપનારી અને રોમાંચક લાગે.
    આપની બહુમુખી પ્રતિભા દ્વારા અને બહુપયોગી કાર્ય કરી રહ્યા છો. આપને અને આપની Teamને ખુબ ખુબ અભિનંદન.
    આપણી માતૃભાષાની સેવા આ રીતે કરવી એ એક નવલો પ્રયોગ છે.

    તમે માનશો નહિ, પણ ગુજરાતી જોડણીમાં હું કાચો એટલે બ્લોગ બનાવવા માટે ડરતો હતો. મારી વાર્તાઓમાં હજુ ય જોડણી દોષ રહ્યા છે. ગુજરાતી લેક્સિકોનના સરલ સ્પેલ ચેકર વડે એ સુધારી રહ્યો છું.ત્યારે આપની ગુજરાતી શબ્દસ્પર્ધાની વાત અનોખી અને આવકાર્ય લાગે.

    આપણી માતૃભાષાનું ભવિષ્ય અતિ ઉજ્જવળ છે કારણ કે આપ જેવા સાહિત્ય રસિકો એનું સવંર્ધન કઈ રહ્યા છે.

    મારી આ કોમેન્ટમાં પણ જોડણી દોષ હશે તો ક્ષમા કરશો.

  7. Nilam H Doshi
    February 6, 2010 at 5:59 am

    February 5, 2010 at 8:53 am
    શબ્દસ્પ્ર્ધાનો આખો અહેવાલ વાંચવાની અને મિત્રોના ફોટાઓ જોવાની મજા આવી. વિજેતા દેવિકાબહેન અને અન્યને ખૂબ ખૂબ અભિનંદન..વિજયભાઇ અને વિશાલભાઇને હાર્દિક ધન્યવાદ…

  8. February 8, 2010 at 12:09 am

    આપને ગુજરાતી ભાષા પ્રત્યેનો લગાવ અનહદ છે. માતૃભાષા માટે આપણે કરીયે તેટલુ ઓછું છે જેણે આપણને જ્ઞાન સાથે સીધો સંપર્ક કરાવ્યો અને આજે આપણે તેના માટે કંઇક કરવા માંગીયે તો કરી શકીયે તેવા સુંદર શબ્દ કોશ (ભગવદ્ગોમંડળ) હાથવગા છે ત્યારે
    શબ્દાક્ષરી અને શબ્દ સ્પર્ધા જેવી રમતોને લોક્ભોગ્ય બનાવવા આપને આપનો ફાળો આપવા વિનમ્ર અપિલ છે..તમારી ક્લમ, સમાચાર પત્ર કે રેડીયોમાં આ વિષયે ઊલ્લેખ કરશો (કે મારી ભાષામાં ટહુકો કરી) ઉપકૃત કરશો.
    આ વિષયે જાગૃતિ તો છેજ.. પણ તમારા વિસ્તારની શાળાઓમાં , મંદિરોમાં, સંગઠનોમાં અને જ્ઞાતિમંડળોમાં આ રમત સહજતા થી રમાય છે અને સૌને જ્ઞાન સાથે ગમ્મત મળે..ભાષા જે સંસ્કાર તરીકે દીપે તેવા પ્રયત્નો આપણે સહજ કરી શકીયે તો માતૃભાષાનું દેવુ આપણે ફેડી રહ્યા છીયે તેમ કહેવાય. આ કામ એકલા શિક્ષકોનું છે કે શિક્ષણ ખાતાનું કે સરકારનું છે તેમ કહી અટકી ન જવાય.. આ કામ ગુજરાતી જાણતા દરેક ગુજરાતીનું છે તે ધારણા હેઠળ હ્યુસ્ટનનાં ગુજરાતીઓ એક જુથ થઇ સક્રિય થયા અને ગર્વથી કહીયે છે કે આ કામ મઝાનું છે જરુરિયાતનું છે અને ભાષાને સમૃધ્ધ કરનારું છે. અને હા આ એક વ્યક્તિનું આ કામ નથી..સમુહનું જુઓ આ શુભ પરિણામ..ચાલો આપણે ભેગા થઇને માતૃભાષા માટે ઉદાસીન થઇને બેસી ન રહીયે. કંઇક કરીયે..

  9. February 8, 2010 at 12:21 am

    જૈન સોસાયટી ઓફ હ્યુસ્ટન ૨૮ ફેબ્રુઆરીનાં રોજ ગુજરાતી અને હિંદી ભાષામાં શબ્દ સ્પર્ધા કરી રહ્યા છે.સ્પર્ધકોને ઉંમર પ્રમાણે ૩ વર્ગ માં વહેંચી આ રમત રમાશે પાઠશાળાનાં ગુજરાતી અને હિંદી શિક્ષકોનો પ્રયત્ન છે કે સ્પર્ધાત્મક વલણ થી ૫ થી ૧૨ વર્ષનાં બાળકો ૨૦ કરતા વધુ શબ્દો શીખશે. ચિત્ર મુકીને પ્રશ્ન પુછવાનો નવતર પયોગ કરનાર શિક્ષકો અભિનંદન ને પાત્ર છે.

  10. February 8, 2010 at 11:26 am

    શ્રી વિજયભાઇ શાહ,

    હ્યુસ્ટનના સાહિત્યરસને સલામ.
    ગુજરાતી ભાષા પ્રત્યેનો લગાવ છે જાણીને બહુ આનંદ થયો.
    માતૃભાષાની સેવા કરવી એ અભિનંદન ને પાત્ર છે.

    KEEP DOING GOODWORK IN GUJARATI INTERNET WORLD.

    Rajendra Trivedi,M.D.
    http://www.bpaindia.org

  11. Neeta Kotecha
    March 7, 2010 at 4:38 am

    aadarniya vijay bhai
    aaje aapnoo prog..utube ma joyu..khub gamiyu..pan ek suchan aapish jo yogya lage to..aap je shabd aapo e screen par dekhay che em eno arth pan dekhano je loko javab aape che e j shabd ..koik shbd sarkhi rite sambhdato nathi..hu aamathi bahu badhu sikhi sakish..

  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: