મુખ્ય પૃષ્ઠ > Received Email > સુધીર પટેલની ગઝલો

સુધીર પટેલની ગઝલો

ડિસેમ્બર 19, 2008 Leave a comment Go to comments

મૂંગામંતર થઈ જુઓ ૦ સુધીર પટેલ

જ્યારે સૂઝે ના કૈં અક્ષર, મૂંગામંતર થઈ જુઓ
ભીતરથી રણઝણશે જંતર, મૂંગામંતર થઈ જુઓ

પુસ્તક સઘળાં બંધ કરી દ્યો, આંખોને પણ મીંચી દ્યો;
મેળે મેળે મળશે ઉત્તર, મૂંગામંતર થઈ જુઓ!

હોય ભલે ના વાદળ, પણ જો હોય તરસ ભીંજાવાની;
મનમાં થાશે ઝીણી ઝરમર, મૂંગામંતર થઈ જુઓ

દર્પણ દર્પણ ભટકો નહિ ને બિંબ બધાં ફોડી નાખો,
ખુદને મળશો ખુદની અંદર, મૂંગામંતર થઈ જુઓ!

જળતરંગ માફક ઊઠો ને ત્યાં સુધી પહોંચો ‘સુધીર’,
ખુદ થઇ જાશો સુંદર સરવર, મૂંગામંતર થઈ જુઓ!

— સુધીર પટેલ.

****

મળજો મને ૦ સુધીર પટેલ

હોય જે કૈં શક્યમાં મળજો મને,
સાવ પૂરા સત્યમાં મળજો મને.

ના રહે અવકાશ કોઈ તર્કનો,
શુધ્ધ એવા તથ્યમાં મળજો મને.

સ્થિર રાખી ચિત્ત હું વીંધી શકું,
એમ ફરતા લક્ષ્યમાં મળજો મને!

બસ મળો તો આપણા થૈને મળો,
ના કદી પણ અન્યમાં મળજો મને!

કોઈ અંતિમનો નથી આગ્રહ ‘સુધીર’,
એ જ ઈચ્છું મધ્યમાં મળજો મને!

— સુધીર પટેલ.

****

સાંભળ્યું છે ૦ સુધીર પટેલ

સાંભળ્યું છે કે હજી એ સાંભળે છે,
ભેદ ખોટાને ખરાનો પણ કળે છે.

સાંભળ્યું છે આ ગલીથી નીકળે છે,
રાહ જોનારાઓને કાયમ મળે છે!

સાંભળ્યું છે ક્યાંય દેખાતા નથી પણ,
આમ જુઓ તો બધે ઝળહળે છે!

સાંભળ્યું છે કે નર્યો અવકાશ છે એ,
પણ હલે તો ચૌદ ભુવન ખળભળે છે!

સાંભળ્યું છે વજ્રથી પણ છે કઠણ એ,
જાત સળગે મીણ જેવું પીગળે છે!

સાંભળ્યું છે કે છે નિરાકાર ‘સુધીર’,
તો ય ધારો એ રૂપે તમને ફળે છે!
— સુધીર પટેલ.

Advertisements
Categories: Received Email
  1. dilip Gajjar
    ડિસેમ્બર 20, 2008 પર 7:28 પી એમ(pm)

    Dear Vijaybhai, its unbelivable that in three verses so much sudhirbhai can say..mungamanter.. wonderful spiritual gazal.

  1. No trackbacks yet.

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s

%d bloggers like this: