ગુજરાતી ભાષા શુધ્ધી અભિયાન

મને ક્યારેક નવાઇ લાગે છે કે ગુજરાતી ભાષાનાં પ્રખર હિમાયતીઓ અને પંડીતોને ભદ્રંભદ્ર જેવા હળવા લેખો દ્વારા ધ્યાન દોરવા છતા ભાષામં ઘુસી ગયેલા અન્ય ભાષી શબ્દો ( મહદ અંશે અંગ્રેજી)કેમ ખુંચતા નથી. તે એકદમ સહજ થઇ ગયા છે ઉદાહરણ તરીકે

આજે સાડા આંઠની ટ્રૈન પકડીને મુંબઇ જવાનો છું તો પ્લેટફોર્મ પર રીઝર્વેશન વીંડો પાસે મળ પછી સાથે સેંડ્વીચ ખાવા જઇશુ.

વીસ શબ્દોનું એક વાક્ય જેમાં પાંચ અંગ્રેજી શબ્દો એટલે ગુજરાતી ભાષાનાં હીરનું 25% હનન.
હવે તમે કહેશો અંગ્રેજો બસો વર્ષ રહ્યા તો હવે એટલુ તો રહેને?

તોફાની કનુ બોલ્યો સારુ તો આનુ તમે શુધ્ધ ગુજરાતી બોલો

માર્યા ઠાર ગુજરાતી શબ્દ આ પાંચ અંગ્રેજી શબ્દનાં તો શોધવા જવુ પડશે.કારણ કે ટ્રૈન આવી ત્યારે ગાડી શબ્દ પ્રચલીત થયો પણ ગાડી ઘણી હતી તેથી નિલકંઠે અગ્ની રથ શબ્દ રજુ કર્યો પણ તે ન સ્વીકારાયો કારણ કે પેલી ગુલામ મનોદશામાં હતા તેથી જે હાથ વગુ હતુ તે લઇ લીધુ. પ્લેટ્ફોર્મ એટલે ઓટલો પણ ફરી ગુલામ મનોદશા આડી આવી ઑટલો એટલે ઘરની આગળ હોય એટલો જ ઑટલો કહેવાય્ રેલ્વે નો ઑટલો તો માઇલ લાંબો હોય્

મારો માંહ્યલો અહીં આપણી ગુલામ દશા પર ઉકળે છે. તેઓ 200 વર્ષ રહ્યાં તેમણે તેમની ભાષામાં આપણોઅ એકેય શબ્દ દાખલ ન કર્યો અને આપણે ખુલ્લે આમ હજી નવા નવા શબ્દો હની, વેલેંટાઇન, પીઝા અને બરગર ને પ્રેમ થી ઉમેરતા જઇએ છે. સુધારાવાદી તરીકે અને મોડર્ન જમનામં એકાદ અંગ્રેજી શબ્દ ન આવે તો કેમ ચાલે?

બીજો પ્રસંગ લખું

 આ વખતે વર્ડ કપમાં જો ગાંગુલી સેંચ્યુરી ના મારે તો તેણે કેપ્ટન તરીકે રિઝાઇન કરવું  જોઇએ શું કહો છો બોસ! પેલા મેચ ફિક્ષીંગ વાલા તેને ન રમવાનાં વધુ પૈસા આપે અને આપ્ણે હારીને આવીયે બોલો ચેલેંજ મારવી છે આ વખતે પણ આપણે સીરીઝ હારવાનાં.

આવા વાક્યો અખબારમાં જોવા મળે ત્યારે તો શરમ થી માથુ ઝુકી જાય કારણ આપણે ગુજરાતીઓ “ભાષાને શું વળગે શુર” માનીયે અને તેથીજ તો ગરવી ગુર્જરી “શું શા પૈસા ચાર” માં ગણાઇ. ભાષાને જીવંત રાખવી એ આપણા સંસ્કાર છે અને તેમા ભરાતા દુષણો સામે જાગૃત થવુ તે આપ્ણી ફરજ છે તેવુ માનતા તામિલ ભાષા પ્રેમી મિત્રે તામીલ ભાષામાંથી અંગ્રેજી શબ્દો દુર કરી તેની જગ્યાએ લોકભોગ્ય નવી તામિલ શબ્દોની શોધખોળની વાત વિશાલ મોણપરાને જ્યારે કહી ત્યારે તે મિત્રોને મે આદર થી સલામ કરી.

 તમે જો ભાષા શુધ્ધ બોલશો તો તમારા વારસો તે શુધ્ધ બોલશે અને તે રીતે જ ભાષા લાંબો સમય ટકતી હોય છે. અંગ્રેજોનો તેમની ભાષામાટે નો મોહ સચોટ હશે કે આપણી ભાષામાંથી બે કે ત્રણ શબ્દો લીધાનુ જાણમાં છે જેમકે ગુરૂ પંડીત કે મહાન. જ્યારે આપણે.. પુ. રતિભાઇ ચંદરીયાનાં જણાવ્યા પ્રમાણે ગુજરાત વિદ્યાપીઠે 117 પાનાનો ગુજરાતીમાં અંગ્રેજી શબ્દોનું પુસ્તક બહાર પાડ્યું છે.

 મારા વાચક મિત્રોને આ ગુજરાતી ભાષા શુધ્ધી અભિયાનમાં જોડાવાનું આમંત્રણ આપુ છુ. હું મને જડશે તેટલા અંગ્રેજી શબ્દોની યાદી મુકું છુ અને તેનુ શિષ્ટ ગુજરાતી પણ મુકવા પ્રયત્ન કરીશ અને આપ સૌને પણ વિનંતી કે તમે પણ તેવા તમારા જાણીતા શબ્દો આપો અને તે યાદીને સંપૂર્ણ બનાવીયે.

પેન= ક્લમ
સ્ટેશન=સ્થળ
પીઝા=ઇટાલીયન રોટલો
બર્ગર=દાબેલી
હની =મીઠડી
સેંડવીચ = (રેતીની ડાકણ ?)
સેંચ્યુરી= શતક
સોસ = ચટણી
લેન= ગલી
રોડ = માર્ગ
ટાઉન હોલ
બોસ= સાહેબ
બેલેંસ શીટ=સરવૈયુ
પેજ = કાગળ
પોસ્ટ્મેન=ટપાલી