ફાંકડી પતંગ!

picture courtsey by email : VJ RAWAL

કહેને સખી આ ઉતરાણે શું કરીશ?
ફિરકી પકડીશ કે  ઉડાડીશ પતંગ

ઠુમકા મારી મારીને હાથ દુખશે,
તો ય નહિ ચઢે તારી ફાંકડી પતંગ!

ગરમા ગરમ ઢીલી તલસાંકળી ખા,
ચાલ ચઢાવી દઉં તારી ફાંકડી પતંગ!

આ ખેંચણીયા પડોશી ખેંચે તે પહેલા, 
લે સહેલ સખી ચઢી ફાંકડી પતંગ!

કાશીબોર થાળ લઇ આવ્યો નાનકો,
કાઇપો તેંતો પેલો મોટો ચવ્વો પતંગ!

અરે ઝુંટણીયો આવ્યો લૈને લંગર જો,
સંભાળ સખી જરા તારી ફાંકડી પતંગ!

અરે! શું થયુ? ક્યારે લાગ્યો’તો પેચ!
કેમ રે કપાઇ ગઇ તારી ફાંકડી પતંગ!

 જિંદગી પણ આવી આપણી રોજ ,
ચગીયે ને કપાઇએ બની કટી પતંગ!

http://sarjansahiyaaru.wordpress.com/2007/01/15/sarjankriya20_patang/